U3F1ZWV6ZTE2MjIzNDMyODY0MjI3X0ZyZWUxMDIzNTE0NDMwNDgxMw==
شوف ازاي تقدر تفرح نفسك في العيد 😍❤
- ازاي افرح نفسي في عيد زمن الكورونا ❤
- كتير مننا مقرر أنه مش هيخرج في العيد ، ويلتزموا بإجراءات السلامة ويقعدوا في البيت .
- لكن عشان نقضي وقت لطيف من غير أى ملل هنقترح عليكى شوية أفكار عشان تقضي عيد ممتع مع العيلة ❤️
- - قبل اي شئ قرري تفرحي غيرك علشان انتي كمان ربنا يراضيكي ويفرحك ❤
- - لو هتضحي وزعي الاضحيه وخلي اولادك كمان يشاركوكي وعرفيهم ليه بنضحي واننا بنكون مبسوطين واحنا بنساعد الفقراء ❤
- - كمان لو قدرتي تفرحي اطفال فقراء باللبس عند اولادك صغر عليهم تغسليه وتكويه وشويه برفيوم عليه وتهاديهم بيه الفرحه اللي في عيونهم هتفرق معاكي وفي نفسيتك جدا ❤
- - علقي الزينة في البيت ، و انفخي بلالين مع الأولاد وشغلوا أغنيات العيد والتهليل والتكبير ❤
- - عطري البيت كله بالعطور أو البخور ، و غيري فى بعض الديكورات حطي مثلا مفارش جديدة و مشيات، و ممكن تعلقي أفرع إضاءة baby lights بادي شكل جميل ❤
-
- -بادري بالتهنئة للأهل والأقارب والأصحاب بمكالمات تليفونية أو رسايل ❤
- -جهزي لبسك ولبس أولادك و ضيفي إكسسورات بسيطة و أعملى نيولوك وجددى من مظهرك ،و اعملى تسريحات مختلفة لشعرك وماسكات للبشرة و وابتكري في لبسك القديم و طلعي منه حاجات مختلفة ❤
- - ممكن تشاركي ولادك فى عمل لوحات بسيطة بكتابة عيد سعيد ، عيد مبارك و يلونوها ويرسموا حواليها و يعلقوها في أوضهم ، هيفرحوا اوى ❤
-
- - أعملي مجسم كارتونى للكعبة مع أولادك وحطيها فى أركان البيت ❤
- - صلوا العيد سوا في البيت ❤
- - جهزوا سوا أدوات الشواء وشاركيهم في مساعدتك فى المطبخ في تتبيل اللحمة والفراخ و كمان الحلويات ❤
- - متعمليش أكلات معقدة ، استمتعوا فقط باللحظة واتشاركوا ترتيب تجهيزات العيد مع بعض ❤
- - اعملوا سوا حلويات خفيفة زى الكيك سريعة التحضير ،أيس كريم أو بسكويت وبيتى فور سريع التحضير وتابعينا هنزلك وصفات خفيفة وبسيطة في أيام العيد❤
- - ألعبوا سوا لعب جماعى كوتشينة أو بلاى استيشن أو اللعبة اللي تحبوها ❤
- - جهزى قايمة بأفلامك المفضلة وجهزيها ويا أولادك واختارى المناسب للمشاهدة العائلية ❤
- - ممكن تعملي عزومة للمقربين ، لكن بشرط نحرص على عدم التجمع كبير العدد ❤
- - تقدري تخرجى فى أماكن وتكوني عامله بالاجراءات الاحترازيه وميكونش تجمعات حفاظا عليكي وعلي اسرتك ❤
إرسال تعليق